Broken Heart Dard Bhari Shayari Lines in Hindi 😭

Jab reh na sake wo bhi mujh bin,
To Milne ka mujhse waada kar diya us din,

Kehne lage ki ghar par tere nahi aayenge,
Phir zidd meri maan kaha acha hum pahuch jayenge,

Dil khil utha jab usne ye waada kar diya,
Aur aakar gale lagane ka usne irada kar diya,

Yaad use phir sang bitaaye pal aane lage,
Uske pyaare lafz dil ko mere mehkaane lage,

Ghanto ki baatein phir usne mujhse,
Aur kaha mujhe pyaar hai bahut tujhse,

Agli subah uski yaad sang naya savera aaya,
Humne wo din uske paigaam ke intzaar me bitaya,

Kya hua kya pata na mujhe koi gumaan tha,
Us baat se main to bilkul hi anjaan tha,

Jismo me uljhe the wo kisi or ke sang,
Pyaar ka dikhaya usne mujhe ye kaisa rang,

Mere pyaar ka usne ye kaisa sila diya,
Rooth kar phir kasoor waar hume bana diya,

Jaan na paaye ki kya use gawara tha,
Kyu chuna kisi or ko usne agar wo pyaar hamara tha,

Agar sach the pyaar bhare wo jaam teri baaton me jo us savere the,
To kyu diye kisi or ko jab wo ehsaas mere the,

Mere pyaar ke ehsaas ko tune jab dil se hi mita diya,
Na socha kuch or tune kisi or par unhe luta diya,

Phir kuch kaha usne kadve andaaz me,
Par main to dooba tha uske pyaare ehsaas me,

Phir uske sawaalo ka na mujhe koi jawaab mila,
Jo hai hi nahi mera phir usse kaisa gila,

Ek haq mujhe bhi is rishte me mila tha,
Par unki is bewafai se na unhe koi gila tha,

Nadaan the hum unhe khone ke darr ne hume rula diya,
Khel kar ek baar phir humse usne sab kuch asaani se bhula diya.